Ѓоковиќ излезе од притвор, го одработе првиот тренинг: Покрај се сакам да останам во Австралија и да играм тенис

Новак Ѓоковиќ продолжил да тренира набргу откако денеска беше пуштен од имиграцискиот притвор во Мелбурн, што уследи по одлуката на федералниот суд да му се врати визата за влез во Австралија, изјави неговиот брат Ѓорѓе на прес-конференцијата во Белград.

„Новак е слободен и пред малку тренираше на тениски терен. Тој дојде во Австралија за да игра тенис и да се обиде уште еднаш да го освои Австралија опен“, кажа Ѓорѓе Ѓоковиќ.

I’m pleased and grateful that the Judge overturned my visa cancellation. Despite all that has happened,I want to stay and try to compete @AustralianOpen
I remain focused on that. I flew here to play at one of the most important events we have in front of the amazing fans. ? pic.twitter.com/iJVbMfQ037

— Novak Djokovic (@DjokerNole) January 10, 2022

Ѓоковиќ се огласи на Твитер за првпат откако во средата беше притворен по поништувањето на визата.

„И покрај сè што се случи, сакам да останам и да се натпреварувам на Австралија опен, Останувам фокусиран на тоа. Дојдов овдека да играм на еден од најважните настани за нас пред неверојатните фанови“, напиша тој.