Голем инцидент на Монца: Верстапен се качи на Хамилтон и двајцата излетаа од трката (ВИДЕО)

Големиот инцидент се случи на патеката Монца во трката во Формула 1 за Големата награда на Италија.

Во инцидентот учествуваа возачи кои се бореа за светската титула, Макс Верстапен и Луис Хамилтон.

Хамилтон имаше малку побавно стоење во боксот, но успеа да излезе пред Верстапен во првиот свиок.

Сепак, возачот на Ред Бул не попушти, иако Хамилтон имаше предност во свиокот, на крајот со својот болид се качи на Британцот, па двајцата излетаа од патеката.

Verstappen – Hamilton kazası
pic.twitter.com/yFAWWjZG1c

— Sporun Renkleri (@unutulmaz_spor) September 12, 2021

Може да се каже дека и возачот на Мерцедес имаше голема среќа во овој дуел бидејќи заштитниот систем „ореол“ практично го спаси.

Овој исход секако повеќе му одговара на Верстапен, кој остана пред Хамилтон во титулата за светски шампион со пет бода повеќе.

Конечната одлука за можните казни и виновникот за инцидентот ќе биде донесена по трката.