Голот на Несторовски не беше доволен за билет во Купот на Италија

Палермо денеска загуби од Кањари на „Сардења Арена“. Натпреварот се играше во рамките на третото коло од италијанскиот фудбалски куп.

Кај гостите стартни беа нашите двајца интернационални, Илија Несторовски и Александар Трајковски. Првото полувреме заврши со водство на домаќинот, а во 52. минута Несторовски резултатот го израмни и донесе надеж во екипата.

Но, во 73. минута домаќините повторно предизвикаа радост кај публиката и славеа за 2-1.

Да потсетиме, во четвртата рунда се најдоа Горан Пандев и Џенова откако претходно триумфираа над Лече и во следната фаза ќе се соочат со Виртус Ентела, а победникот од тој дуел во осминафиналето ќе игра со Рома. Во следното коло Каљари за ривал го има Киево, а во осминафиналето чека Аталанта.