Connect with us

Други спортови

ГП на Турција најде место во календарот за 2020 година

Истанбул, 19 август 2020 (МИА) – Конечниот календар за сезоната 2020 во Формула 1 е скоро подготвен и се очекуваат само конечни ситни појаснувања пред да биде официјално објавен. На 13-те најавени досега трки ќе бидат додадени оние во Турција, Бахреин и Абу Даби, бидејќи „Сахир“, како и „Ред Бул Ринг“ и „Силверстон“, ќе бидат домаќин на две трки во два последователни викенди. Така, вкупниот број на натпревари во текот на годината ќе биде 17.

Сепак, за разлика од трките во Австрија и Велика Британија, оние во Бахреин ќе се одржат во различни конфигурации на патеката „Сахир“. Првата, што ќе се одржи на 29 ноември, ќе ја користи класичната конфигурација на патеката, додека на 6 декември ќе се користи високобрзинска периферна верзија на патеката. Само една недела по втората трка во Бахреин, ќе се одржи Гран-при на Абу Даби, што ќе означи крај на сезоната.

Сепак, пред да се пресели карванот кон Блискиот исток, таа ќе ја посети Турција, каде патеката „Истанбул Парк“ ќе биде домаќин на шампионска трка за прв пат од 2011 година. Тогаш победата на патеката што ја сакаат сите пилоти ја грабна Себастијан Фетел со Ред Бул. Со враќањето во календарот, „Истанбул парк“ ќе стане третата патека вкупно што ќе прекине долга серија без да биде домаќин на првенството, по „Имола“ и „Нурбургринг“, кои не биле домаќини на најбрзите возачи на планетата, соодветно од 2006 и 2013 година.

Турското Гран-при ќе се одржи на 15 ноември, а за разлика од нивните претходни домаќини, кога екипите патуваа за Истанбул со своите камиони, овој пат ќе биде со авион, што ќе го олесни транспортот на опрема до Бахреин по трката во Турција.

loading...

Реклама

Facebook

Реклама
Реклама
Реклама
Реклама
WP2Social Auto Publish Powered By : XYZScripts.com