Гвардиола го купи за 50 милиони, но не може да го поднесе: Го обвини дека е дебел, а сега го брка од клубот

Пеп Гвардиола сакаше да го види Калвин Филипс во Манчестер Сити минатото лето и управата (се разбира) му ја исполни оваа желба. За играчот од средниот ред на Лидс Јунајтед платија околу 50 милиони евра и сите го гледаа како замена за Фернандињо, Гвардиола исто така гласно го пофали, но потоа дојде до целосна „пауза“ меѓу двајцата.

Откако медиумите прашаа зошто Филипс не играше за Сити минатата есен, Гвардиола без никакво размислување изјави дека неговиот фудбалер од Светското првенство во Катар се вратил со неколку килограми вишок. Тој не криеше дека е незадоволен од начинот на кој тренира Филипс, побара од него итно да ослабне, а таквото медиумско внимание дефинитивно ја наруши нивната врска и сега Пеп е подготвен да се откаже од овој фудбалер.

Од пристигнувањето минатата сезона, Филипс (27) одигра само 26 натпревари – само 760 минути  – што значи дека е само 18-ти или 19-ти играч во ротацијата. Со оглед на тоа што неговата плата не е меѓу послабо платените фудбалери на Манчестер Сити, се наметнува идејата дека тој не е потребен за некои од следните предизвици на „Граѓаните“. Наводно, еден од заинтересираните екипи за Калвин Филипс е Евертон, а за него претходно се распрашувале Њукасл, Вест Хем, Ливерпул и нешто неочекувано Баерн. Прашање е само колку пари Сити ќе врати од неговиот трансфер…