Гвардиола објасни зошто го нарекува Меси фудбалски генијалец

Тренерот на Манчестер Сити, Пеп Гвардиола го оправда своето мислење дека Лионел Меси е генијалец во фудбалот, давајќи неколку примери за да објасни зошто тој високо го цени аргентинскиот капитен на Барселона.

48-годишниот Шпанец беше сведок на импресивните настапи на Лионел Меси додека беше во Барселона, каде што успеа да го искористи Аргентинецот во „лажна деветка“ позиција за поблиску да соработува со Чави и Андрес Иниеста.

За време на документарецот во продукција на „Амазон премиер“, „Ова е фудбал“, Гвардиола објаснува зошто 32-годишникот ги постигнал сите успеси во својата кариера и зошто го смета за фудбалски генијалец.

„Тој не е на маргините на почетокот на играта, тој е вклучен во сè. Од десната страна, од левата страна, од средината се до одбраната“, рече Гвардиола.

„Тој знае кој е најслаб на дефанзивната линија. По првите пет или десет минути од натпреварот, тој создава еден вид карта во главата“.

„Тој знае дека ако се постави овде или таму на терен, ќе има повеќе простор за напад. Ова е нешто што го прават генијалци. Навистина е супер. Живееме во тоа истовремено, затоа уживајте. Лионел Меси, е уникатен“.

Минатата година, Меси призна дека ќе ја поздрави идејата за повторно обединување со поранешниот тренер на Барселона, Гвардиола.

„Иако е тешко, би сакал повторно да работам со Гвардиола. Тој е еден од најдобрите тренери во светот “, изјави Меси.

„Важно е да имате доверба во момците во академијата. Тие гледаат дека е можно да се направи премин од академија во прв тим. Но, имаме одлична академија и во иднина можеме да играме со 11 играчи на академијата, но ќе ни треба време“.