Гвардиола против Суперлигата: Не знам зошто се избрани овие тимови

Тренерот на Манчестер Сити, Пеп Гвардиола отворено застана против идејата за Европска Суперлига. Иако тимот каде што е тренер е еден од потписниците за формирање на ваква лига, сепак тој е против. Како што вели Гвардиола, начинот на кој се обезбедува учество во ова натпреварување, не е спортски.

-Не знам зошто се избрани овие тимови. Спортот не е спорт ако успехот ви е загарантиран и кога не постои врска меѓу трудот и наградите. Не е спорт ако не ви е важно дали ќе загубите. Не е фер кон некои тимови кои се борат за самиот врв, а не може да се квалификуваат затоа што успехот е загарантиран на некои тимови, вели Гвардиола.