Connect with us

Тајмаут

Холандски талент се заглави со мафијата, му го запалија Поршето за 180 илјади евра

Холандскиот фудбалер Мохамед Ихтарен се најде во многу сериозни проблеми со локалната мафија откако Ајакс му даде шанса да ја оживее кариерата по фијаското што го доживеа во Јувентус.

Конфликтот на еден од најголемите светски таленти со мафијата настанал поради неговата врска со девојка од сомнително семејство, а набрзо почнале да пристигнуваат закани.

Раководството на Ајакс му порача да не оди на тренинзи и натпревари додека не ја реши ситуацијата, а полицијата интервенираше во се.

Истрагата открила сомнителни лица кои „виселе“ околу куќата и семејството на Мохамед, наводно во автомобилот што тој го однел на употреба од клубот.

Деновиве доби нова порака од мафијата откако му беше запален автомобилот Порше Панамера од 180.000 евра.

Се запали и БМВ 3 сопственост на неговиот брат, а полицијата ги анализира снимките од безбедносните камери за да види што точно се случило.

„Тоа беше од љубомора. За среќа, материјалните работи лесно се надоместуваат“, изјави младиот фудбалер.

Ихатарен потпиша за Јувентус минатата година, а само неколку месеци подоцна побегна од Италија поради проблеми со менталното здравје.