Ибрахимовиќ: По моето заминување, францускиот шампионат оди во надолна линија

Според Златан Ибрахимовиќ , француското првенство станало помалку интересно по неговото заминување. Швеѓанецот помина четири години во Пари Сен Жермен , постигнувајќи 156 гола во 180 натпревари и освојувајќи 12 трофеи пред да замине во јули 2016 година.

„Откако ја напуштив Франција, сè оди надолу. Веќе нема за што да се зборува. На Франција и требам јас, не ми треба Франција. Дури и да ги имате Мбапе , Нејмар и Меси , тоа не ви помага. Зошто? Затоа што немаш Бог“, изјави Златан во негов типичен стил.

Zlatan : « Depuis que j’ai quitté la France, tout s’écroule. (…) Même si vous avez Mbappé, Neymar et Messi en France, ça ne suffit pas, parce que vous n’avez pas Dieu. » 😂

🎥 @CanalplusFoot pic.twitter.com/0jCvS420kL

— Actu Foot (@ActuFoot_) October 30, 2022

Ибрахимовиќ додаде дека ќе се врати посилен. Напаѓачот додаде дека ќе се откаже кога ќе одлучи, а не кога луѓето го очекуваат тоа. „Ќе се вратам, ќе слушнете за тоа, не се сомневајте. Ќе го направам тоа со бес. Нема да се откажам. Ќе се вратам и нема да се откажам. Ако видам подобар играч од мене, ќе престанам. Но, сè уште не сум го видел“, додаде тој.