Интер обезбеди ѕвезда во средниот ред, се очекува само официјализација

Креативниот играч од средниот ред на Тотенхем, Кристијан Ериксен е близу до трансфер во Интер. Потврдата доаѓа од татковината на играчот. Ериксен има договор со Тотенхем до јуни оваа година, што значи дека доколку не го продадат во зимскиот преоден рок овој месец, тој ќе биде слободен играч и ќе ги остави европските вице-шампиони по нула цена. Ова го пишува данскиот весник „Екстра бледет“, во кој се вели дека е постигнат договор со Интер и се зборува за итен трансфер.

Се чини дека тимот во Серија А ги надмина пречките во трката за играчот од средниот ред, кој го бараат и другите гиганти на континентите, како што се Реал Мадрид и други. Интер може да затвори сè брзо, со понуда од 21 милиони фунти за Тотенхем. Од друга страна, се вели дека е договорена и платата што ќе ја добие на „Сан Сиро“. Фиксната сума не е објавена, но тоа значи нешто близу до платата на Лукаку.