Интер се крсти во Барселона

Последното коло од групната фаза во најпрестижното клупско натпреварување, Лигата на шампиони, треба да донесе голема драма на стадионите во Барселона, Милано и Ливерпул.

Пресметката на “Ноу Камп”, помеѓу Барселона и Тотенхем е клучна за лондонскиот премиерлигаш кој само со триумф може да го обезбеди посакуваниот пласман во 1/8 финалната рунда. Со три бода, популарните “петли” ќе ја задржат втората позиција и нема да зависат од резултатот кој ќе биде постигнат на “Џузепе Меаца”, каде ќе играат фудбалерите на Интер и ПСВ.

Освен што мора да слави во дуелот со холандскиот претставник, италијанскиот калчо гигант зависи и од резултатот кој ќе биде постигнат во Барселона. Интер и Тотенхем имаат ист број на бодови, но лондонскиот клуб има подобар скор во меѓусебниот дуел.

Пеколно ќе биде и на “Енфилд”, каде ќе се сретнат директните ривали за едно од двете места кои водат во следната елиминациска рунда, тимовите на Ливерпул и Наполи. Домаќинот има потреба од триумф со два гола разлика, додека “азурите” ќе ја исполнат зацртаната цел и со реми.

Утре на програмата:

ГРУПА А: Бриж – Атлетико (М), Монако – Борусија Д. Табела: Атлетико (М) 12, Борусија Д. 10, Бриж 5, Монако 1 бод.

ГРУПА Б: Барселона – Тотенхем, Интер – ПСВ. Табела: Барселона 13, Тотенхем 7, Интер 7, ПСВ 1 бод.

ГРУПА Ц: Црвена З. – ПСЖ, Ливерпул – Наполи. Табела: Наполи 9, ПСЖ 8, Ливерпул 6, Црвена З. 4 бода.

ГРУПА Д: Галатасарај – Порто, Шалке – Локомотив М. Табела: Порто 13, Шалке 8, Галатсарај 4, Локомотив М. 3 бода.