Интер веќе ’лоцираше’ замена за Един Џеко

Екипата на Интер веќе има план кого ќе донесе на местото на Един Џеко.

Така барем тврди експертот за италијанскиот пазар, новинарот Алфредо Педула, кој го откри името на човекот кој Интер го посакува како замена за Џеко.

Токму одличниот напаѓач на Сасуоло Џанлука Скамака го привлече интересот на речиси сите италијански великани, а актуелниот шампион сака да го доведе во своите редови следното лето.

„Интер веќе размислува за периодот по заминувањето на Един Џеко и како негова замена го сака Џанлука Скамака повеќе од кога било“, изјави Педула и додаде дека често споменуваниот Пјер-Емерик Обамејанг е прескап.

„Обамејанг заработува премногу. Да се ​​донесе е премногу скапо. Не би исклучил ништо, но тоа може да дојде само ако некој плати половина од неговата плата“, рече Педула.

Џеко е обврзан со договор со Интер до јуни 2023 година, а неговите игри оваа сезона покажуваат дека Интер не погрешил да го доведе.

Репрезентативецот на Босна и Херцеговина оваа сезона настапи на 25 натпревари и има биланс од 11 голови и пет асистенции.

Скамака, пак, за Сасуоло одигра 20 натпревари и постигна осум гола.