Connect with us

Фудбал

Избран тим на УЕФА за 2019 годината

Изминатите неколку недели, навивачите го избираа тимот на УЕФА за 2019 година преку официјалната веб-страница.

Тимот на хартија е навистина фантастичен, а во него се најдоа пет играчи од Ливерпул, сегашниот шампион во Европа.

Изненадувањето е отсуството на Мохамед Салах, а за прв пат по многу години нема членови на Реал Мадрид во тимот.

Седум дебитанти беа во тимот. Тука спаѓаат Алисон Бекер, Трент Александар-Арнолд, Матијас де Лихт, Енди Робертсон, Френки де Јонг, Роберт Левандовски и Садио Мане.

Кристијано Роналдо е во тимот по рекорден 14. пат, додека секако имаше простор и за Лионел Меси, освојувачот на „Златната топка“.

На голот е Алисон, во одбраната се Александар-Арнолд, Виргил ван Дијк, Де Лигт и Робертсон.

Средината му припаѓа на белгиско-холандскиот тандем Кевин де Брујн – Френки де Јонг.

Нападот изгледа атомско. Меси и Мане би биле на крилја, додека Роналдо и Левандовски би го сочинувале напаѓачкото дуо.