Изградија стадион од 32 милиони евра, но поради бројни пропусти е неупотреблив

Изградбата на стадионот Лагатор, кој требаше да чини околу 32 милиони евра, почна пред две години во Лозница, Србија. Требаше да биде еден од најмодерните стадиони во регионот, но нешто тргна наопаку. Српскиот фудбалски сојуз не сака да му даде лиценца на стадионот во Лозница и моментално е неупотреблив. Стадионот Лагатор е далеку од предвидената лиценца на УЕФА и четврта категорија.

Секторите на трибините се неподелени, стадионот има премногу слепи точки, заштитната ограда во првите редови е предебела, а проблем е недоволната оддалеченост на теренот од трибините. Соблекувалните и службените простории не се доволно пространи, хидроизолацијата не е добро поставена, а тунелите за влез на автобусите на стадионот не се доволно високи.

Стадионот изгледа убаво од воздух, но внатре во зградата има многу празнини и Лагатор од 32 милиони евра нема да добие лиценца за играње меѓународен натпревар. Рефлекторите на стадионот беа тестирани во мај, кога беше поставен хибридниот терен. Стадионот може да прими осум илјади гледачи.