Изнер противник на Дел Потро во четвртфиналето на Мастерсот во Париз

Американецот Џон Изнер успеа да се пласира во четвртфиналето на Мастерсот во Париз откако по голема борба го совлада Григор Димитров од Бугарија со 2-1 во сетови по 2 часа и 45 минути игра.

Изнер го доби првиот сет во тај брекот со 7:6 во гемови (12:10 на поени), Димитров беше поуспешен во вториот со 7:5, а во решавачкиот Изнер победи со 7:6 во тај брекот 7:3 на поени. Тој утре ќе игра во 1/4 финалето против Хуан Мартин Дел Потро, кој беше подобар од Робин Хасе.

На Дел Потро потребен му е пласман во полуфиналето за да избори учество на завршниот Мастерс во Лондон.

Пласамн во четвртфиналето денеска обезбедија уште: Џек Сок, Филип Крајиновиќ, Жулиен Бенето и Фернандо Вердаско.

Вечерва се играат уште два меча: Рафаел Надал – Пабло Куевас и Роберто Баутиста Агут – Марин Чилиќ.