Поврзи се со нас

Фудбал

Изов со измени во составот во пресрет на натпреварот со Франција

Скопје, 21 септември 2020 (МИА) – Седум фудбалерки од македонската женска репрезентација добија позитивни резултати од првиот скрининг тест на вирусот Ковид-19. Без никакви симптоми на Ковид-19 во самоизолација се две фудбалерки од Каменица Саса и пет фудбалерки од Тиверија, соопшти ФФМ.

-текстот продолжува по рекламата-

Составот на македонската женска репрезентација заедно со стручниот штаб и луѓето кои се вклучени во работата на селекцијата пред почеток на подготовките за натпреварот со Франција имаа тестирање за присуство на вирусот Ковид-19. Сите членови на тимот беа во изолација и немаа меѓусебен контакт до добивањето на резултатите.

Селекторот на репрезентацијата, Кирил Изов беше принуден да прави дополнување на играчкиот кадар за натпреварот со Франција. Предводникот на женската репрезентација дополнително ги повика Сара Коларовска (ЖФК Скопје 2014), Афродита Салихи (ЖФК Скопје 2014), Драгана Гегова (ЖФК Скопје 2014), Елена Петровска (ЖФК Скопје 2014), Сара Хусеин (ЖФК СЦ Истатов) и Ана Милчевска (ЖФК СЦ Истатов).

-текстот продолжува по рекламите-

Резултатите од вториот тест за присуство на вирусот Ковид-19 се негативни за сите репрезентативки и членови на женската репрезентација.

Натпреварот се игра утре на Националната арена „Тодор Проески“ со почеток во 21 часот. зс/

Реклама

Facebook

Реклама
Реклама
Реклама