Јакинта: Роналдо е одличен, но за Јуве клучен е Манџукиќ

Јувентус ова лето успеа да го донесе Кристијано Роналдо и има јасна цел – трофејот во Лигата на шампионите.

Се уште се чека Роналдо да „проработи“ и да стане гол машина како што беше во Реал Мадрид, а некогашниот фудбалер на Старата дама Виченцо Јакинта има интересно мислење за доаѓањето на Португалецот во Јуве и неговата важност за тимот.

„Овој Јувентус може да ја освои Лигата на шампионите. Бјанконерите се меѓу четирите најдобри екипи во Европа, а сега со Роналдо имаат играч кој може да направи разлика и да биде одлучувачки фактор во натпреварите. Ова може да биде година во која Јуве конечно ќе освои се“, истакна Јакинта.

Сепак, овој некогашен напаѓач на Јувентус смета дека Роналдо не е тој кој е незаменлив во екипата на Алегри. Според неговото мислење најважната алка во нападот на Јувентус е Марио Манџукиќ.

„Марио Манџукиќ прави неверојатна работа и создава простор за Роналдо. Тој е клучен. Манџукиќ се бори во одбрана, трча за четворица и секогаш е опасност пред противничкиот гол… Тој е незаменлив и поради него Алегри може да пробува различни системи благодарение токму на Манџукиќ и можното напаѓачко трио со Роналдо и Дибала“, порача Јакинта.

Јакинта имаше успешна кариера и постигна 40 голови во дресот на Старата дама.