Јувентус: Интерес за Де Хеа по истекот на договорот со Манчестер

Италијанскиот шампион Јувентус покажа интерес за голманот на Манчестер јунајтед, Давид Де Хеа, пренесува „Фудбал Италија“.

Според достапните информации, Шпанецот одбива да го обнови договорот со Манчестер јунајтед и ќе стане слободен играч на крајот на сезоната.

Јувентус сака да го добие Де Хеа без обештетување и се очекува да направи прелиминарен договор со голамнот во јануари.

Доколку Де Хеа дојде во Јувентус, сегашниот голман Војчех Шчесни ќе го напушти Торино.

28-годишниот Де Хеа има одиграно четири натпревари за Манчестер јунајтед оваа сезона, прими четири гола и еднаш ја зачува мрежата „сува“.