Како би изгледал плеј-офот за Скудето? Потенцијалните парови се веќе познати

Фудбалот во Италија нема да се игра до 3 април откако италијанската влада и Олимпискиот комитет ги прекинаа сите натпреварувања во земјата поради епидемијата.

Едно од можните решенија за крајот на сезоната во Серија А кое се спомнува е играњето на плеј-оф за шампиони и опстанок во лигата на четири моментално првопласирани и последнопласирани екипи.

Во тој случај еден натпревар би се играл во полуфиналето. Првопласираниот Јувентус би играл против четвртопласираниот Аталанта, додека второпласираниот Лацио ќе биде домаќин на третопласираниот Интер.

Победниците би се сретнале во финалето, а сè уште не е познато дали финалето би се играло на неутрален стадион или дали ќе има двомеч.

Во плеј-офот за опстанок во лигата, би биле Џенова – Бреша и Лече – СПАЛ. И овде ќе се игра на ист начин како и во плеј-офот за шампион.

Инаку, според сегашната состојба, екипите кои учествуваат во евентуалните плеј-оф би играле Лига на шампиони, додека Рома и Наполи би се пласирале во Лигата на Европа.