Каков страшен тим, Данецот Расмус Бојсен го избра идеалниот тим на Металург

Данскиот ракометар, Расмус Бојсен, го објави својот избор на идеалниот тим на Металург, од времето кога беше битен фактор на меѓународната сцена.

Тимот избран од Расмус Бојсен изгледа моќно и во него немаше место дури и за такви светски ракометни имиња како Циндриќ, Атман, Борозан, Марсениќ, Димовски, Илиќ и други.

На голот Бојсен го стави Дарко Станиќ, кој своите најдобри партии во кариерата ги имаше токму во Металург. На крилните позиции се поставени македонските репрезентативци Дејан Манасков и Гоце Георгиевски, додека бековската линија ја сочинуваат Филип Миркуловски, Наумче Мојсовски и Ренато Вугринец. Најдобар пикер е Младен Ракчевиќ, а за најдобар дефанзивец е поставен Ацо Јоноски. Најдобар тренер е очекувано Лино Червар.

Извор: РК Металург