Каков викенд, три големи дерби мечеви, „битка“ за Манчестер, но и Мадрид

Викендов љубителите на фудбалот, секако оние неутралните ќе уживаат. На програмата се три големи дерби мечеви. Првиот на програмата е попладнево. Во терминот од 18:30 Манчестер Јунајтед е домаќин на Манчестер Сити.

На двата тима сезонава не им оди баш најдобро во Премиер лигата. По 11 одиграни кола, Манчестер Јунајтед е на 7-то место со 19 бодови, а едно место подолу е нивниот градски ривал Сити со еден бод помалку.

Во полседните пет меча на овие две екипи во Премиер лигата, Јунајтед има три победи, а две Сити. На последните девет меча во сите конкуренции секогаш имало голови, еден или повеќе. Последнен пат без голови овие две екипи одиграле на 27 април 2017-та година, а домаќин бил Сити.

ПОСЛЕДНИ 5 МЕЧА ВО ПРЕМИЕР ЛИГАТА

МАНЧЕСТЕР ЈУНАЈТЕД – МАНЧЕСТЕР СИТИ 2:0

МАНЧЕСТЕР СИТИ – МАНЧЕСТЕР ЈУНАЈТЕД 1:2

МАНЧЕСТЕР ЈУНАЈТЕД – МАНЧЕСТЕР СИТИ 0:2

МАНЧЕСТЕР СИТИ – МАНЧЕСТЕР ЈУНАЈТЕД 3:1

МАНЧЕСТЕР СИТИ – МАНЧЕСТЕР ЈУНАЈТЕД 2:3

Второто големо деби кое е на програмата денеска почнува во 21 часот. Реал Мадрид е домаќин на Атлетико Мадрид. „Јорганџиите“ се лидери на табелата по 11 одиграни кола и се единствената екипа без пораз. Реал Мадрид е на четвртото место со дури шест бодови помалку од нивниот вечерашен противник и градски ривал.

ПОСЛЕДНИ ПЕТ ДУЕЛИ ВО ЛА ЛИГА

РЕАЛ МАДРИД  – АТЛЕТИКО МАДРИД 1:0

АТЛЕТИКО МАДРИД – РЕАЛ МАДРИД 0:0

АТЛЕТИКО МАДРИД – РЕАЛ МАДРИД 1:3

РЕАЛ МАДРИД – АТЛЕТИКО МАДРИД 0:0

РЕАЛ МАДРИД – АТЛЕТИКО МАДРИД 1:1

Дерби има и во Франција. ПСЖ на домашен терен го пречекува Лион. „Светците“ се лидери со 28 бодови, а со два бода помалку на третата позиција е Лион.

ПОСЛЕДНИ ПЕТ МЕЧА ВО ЛИГА 1

ПСЖ – ЛИОН 4:2

ЛИОН – ПСЖ 0:1

ЛИОН – ПСЖ 2:1

ПСЖ – ЛИОН 5:0

ЛИОН – ПСЖ 2:1