Камерите го „уловија“, еве што прави Ѓоковиќ на еден час пред меч на Вимблдон (ВИДЕО)

Новак Ѓоковиќ со години доминира во светскиот тенис и редовно ги руши рекордите на играчи кои пред него важеле за најдобри во историјата, а на Вимблдон има можност да испише нови страници од историјата.

Доколку го освои третиот Грен слем во сезоната ќе се израмни со Федерер кој веќе има осум титули на овој турнир и ќе стане прв човек со 24 Грен слем. Можеби затоа му е малку досадно, па пред натпреварите се интересира за поинаков спорт!

Pre-match routine (seen here 1 hr before R1) and the “locals” still don’t know the name of the game 🤨

👁️ “Ludo” board game (aka ‘Čovječe ne ljuti se’)

🎲🎲 @DjokerNole TEAM at 💚 #wimbledon pic.twitter.com/KENUmx1etO

— TRAVEL&Sp🎾rts (@travel__Sports) July 5, 2023

Само еден час пред неговиот натпревар од второто коло против Џордан Томпсон, камерите на комплексот Вимблдон го снимија Новак Ѓоковиќ како се натпреварува со својот тим во играта „Не лути се човеку“.

На Англичаните прво не им беше јасно што прават, веројатно затоа што не се премногу запознаени со играта, но на видеото јасно се гледа дека Ѓоковиќ, Горан Иванишевиќ и уште двајца членови на тимот играат друштвена игра која е исклучително популарна на нашите простори.