Каспер Руд е категоричен дека ќе ја продолжи својата потрага по титула на Грен слем турнир

Норвешкиот тенисер Каспер Руд беше разочаран по поразот од Шпанецот Карлос Алкараз во финалето на УС Опен, но беше категоричен дека ќе продолжи да се бори за грен слем титула.

Во Њујорк, Руд играше во своето второ финале на Слем, откако претходно во сезоната падна од Шпанецот Рафаел Надал во битката за титулата на Ролан Гарос.

„Тешко е да објаснам се што чувствувам. Се оди добро и возбуден сум“, изјави Норвежанецот за настапот оваа сезона.

„Денес беше посебен. За двајцата финалисти беше забавно што можеа да се искачат на врвот на светската ранг-листа. Секако дека сум разочаран, но и број 2 не е лош. Знаевме за што играме и кој е влогот. Ќе продолжам да ја бркам мојата прва Грен слем титула“, додаде Каспер Руд.