Connect with us

Фудбал

Каталонија на нозе, ваков талент Барса немала уште од времето на Лионел Меси (ВИДЕО)

Барселона го победи Тотенхем со 4:2 и го освои традиционалниот трофеј Жоан Гампер, а во центарот на вниманието беше младиот Ламин Џамал. Во прашање е 16-годишник кој израсна во „Ла Масија“, кого многумина го споредуваат со Лео Меси, а синоќа покажа и зошто. Џамал ​​влезе во игра дури во 80. минута, но во тие десет минути покажа повеќе од Рафиња на десно крило.

Џамал ​​едноставно го полуде Серхио Регилон, а по негова заслуга Барса ги постигна сите три гола и направи пресврт. Џамал ​​влезе наместо Ерик Гарсија при резултат 1:2, а сите три гола паднаа преку него. Во првиот побегна и му асистираше на Феран Торес за 2:2, а потоа ги започна акциите, повторно го надигра Регилон со дриблинзи и ги даде последните додавања, по што беа постигнати уште два гола, на Ансу Фати и Абде Езалзули.

Денеска каталонските медиуми на големо пишуваат за Џамал ​​и потсетуваат дека Лионел Меси имаше ваков настап на „Гампер“ уште во 2004 година кога се поигруваше со одбраната на Јувентус. И денес впечаток на сите во Каталонија е дека до синоќа не виделе ништо слично. Џамал ​​е роден во 2006 година и наскоро ќе потпише договор до 2026 година и го застапува Жорж Мендес, што само значи дека е во добри раце и наскоро ќе вреди десетици милиони.