Фудбал
Кин го избра најдобриот тим на сите времиња Манчестер Јунајтед и ја изостави големата ѕвезда
Легендарниот играч за врска на Манчестер Јунајтед, Рој Кин оваа сезона ја мина работејќи како стручен коментатор на една од англиските телевизии.
Кин извесно време е без тренерска работа и реши да ја прифати работата стручен коментатор, а оваа сезона се базираше исклучиво на Премиер лигата и Лигата на шампионите.
Поранешниот фудбалер синоќа го следеше натпреварот помеѓу Манчестер Јунајтед и Брентфорд кој неговиот поранешен клуб го доби со 3-0.
По завршувањето на натпреварот, Кин доби задача да го избере најдобриот тим на Јунајтед на сите времиња, што и го направи. Но, многумина беа изненадени што тој не го вклучи Пол Сколс во овој тим, туку едноставно немаше место за сите тие ѕвезди.
На голманската позиција го избра Питер Шмајхел, додека на бековските позиции беа Гери Невил и Денис Ирвин. Што се однесува до стоперската двојка, Кин ги избра Гери Палистер и Јап Стам.
Пол Инс и Брајан Робсон се во центарот на средниот ред, додека Рајан Гигс и Дејвид Бекам се на крилните позиции.
„Робсон мора да биде таму, беше одличен во Јунајтед бидејќи постигна неколку важни голови. Исто така го избрав Инс кој уништи се играјќи за Ливерпул, но беше одличен соиграч и само треба да биде во тој тим. Морам да ги додадам Бекам и Гигс. Покрај тој јавен живот на теренот, тој секогаш го даваше својот максимум и тоа мора да се почитува. За Гигс е излишно да се зборува.
“Тешко ми е да го изоставам Сколс, но мислам дека Инс и Робсон беа малку подобри. Сколс беше одличен соиграч и уживав да играм со него”:
Кин изјави дека изборот на напаѓач не му бил лесен, а на крајот решил да ги има Вејн Руни и Кристијано Роналдо.
„Јорки и Кантона беа брилијантни, тука се и Руд и Марк Хјуз како и Солскјер. Ух, навистина е тешко. Сепак, ќе ги изберам Роналдо и Руни за се што постигнаа со овој клуб. Играв со нив и тие се неверојатни.“, додаде тој.
Најдобриот тим на Кин во Манчестер Јунајтед на сите времиња: Шмајхел, Невил, Стам, Палистер, Ирвин, Робсон, Инс, Бекам, Гигс, Руни, Роналдо.
