Connect with us

Фудбал

Клоп: Мечот со Наполи не е време за ротации

Менаџерот на Ливерпул, Јирген Клоп нема да направи поголеми промени во составот за утрешниот натпревар против Наполи . Мерсисајдерите треба да победат со три или повеќе гола разлика за да ги симнат Италијанците од врвот во групата А во Лигата на шампионите. Тимот на Лучијано Спалети ги доби сите пет натпревари во групата и е во серија од 13 победи во сите натпреварувања.

„Натпреварот со Лидс беше многу брзо и не сум свесен за состојбата на некои играчи. Не сакаме да ризикуваме, но Наполи е во неверојатна форма и игра неверојатен фудбал. Веројатно тимот во најдобра форма во Европа . Ова не е игра за големи ротации“, изјави Клоп. Тој додаде дека Џоел Матип нема да биде на располагање, но во составот за натпреварот ќе биде Ибрахима Конате .

„Во групната фаза најважно е да се оди напред. Сите знаат што прави Наполи . Заедно се бранат и одлично контранапаѓаат. Доколку Наполи продолжи да игра на овој начин, има шанси да стигне до финалето на Лигата на шампионите“, додаде Германецот.

Запрашан дали овој тим на Ливерпул се лизга, Клоп одговори: „Просудите подобро се донесуваат во подоцнежна фаза од сезоната. Не е коректно да се донесе заклучок во моментов бидејќи многу од играчите не беа достапни. Ги разбирам овие прашања. Арсенал и Манчестер Сити подоцна ќе треба да одговорат на слични прашања. Сите не ценат, точно е, но јас не размислувам за тоа.

Се наоѓаме во тежок момент. Има високи и падови. Имаме поголеми очекувања и мора да го сториме тоа за да им се приближиме. Мора да работиме. Во моментов е предизвик – да се намалат грешките, да се задржат добрите работи. Нема да престанеме да се бориме. Мојата работа не е само да бидам тука кога сонцето сјае силно и кога освојуваме трофеи. Ќе дадам сè од мене“.