Клоп: Сакам да водам со 20 разлика пред Манчестер Сити, но тоа е невозможно

Менаџерот на Ливерпул, Јирген Клоп ги коментираше шансите на тимот да стане шампион. Мерсисајдерите победија со 2-0 над Вотфорд и ја продолжуваат потерата со Манчестер Сити .

„Ја ценам ситуацијата во која се наоѓаме. Вчера искоментирав со момците дека ако летото ни беше кажано дека ќе освоиме еден трофеј на почетокот на март, ќе имавме уште три шанси и сите ќе беа здрави, веднаш ќе се договоревме“, изјави Клоп.

Jürgen Klopp says Liverpool want to enjoy the situation they are in after beginning the season's run-in with a hard-fought 2-0 win over Watford 🗣

— Liverpool FC (@LFC) April 2, 2022

„Можеше да биде подобро во само еден случај – ако имавме 20 поени предност пред Манчестер Сити , но тоа е невозможно. Затоа ни одговара моменталната ситуација. Мислам дека не сме фаворити на ниту еден турнир, но тоа не е важно, бидејќи во секој случај ќе се обидеме да ги освоиме“, додаде Германецот.

Ливерпул заостанува само бод зад „граѓаните“ во спорот за титулата, а следниот викенд двата тима ќе се соочат на „Етихад“.