Фудбал
Лацио „заспа“ во најважниот дел од сезоната, Јуве може да почне да слави
Лацио го загуби здивот. По, Интер од трката за титулата се чини дека испаднаа и „Римјаните“. Со третиот пораз во низа, по Милан и Лече, овој пат од Сасуоло, тимот на Симоне Инзаги нема да биде повеќе опасност за Јувентус, кој има осум бодови предност и натпревар помалку.
До крајот на сезоната има уште шест меча, но и гостување на Лацио во Торино.
На денешниот меч „Лацијалите“ први поведоа преку Алберто, но во вториот дел целосен пресврт. За победа на Сасуоло се погрижија Распадори и Капуто. Јуве е прв со 75 бодови и натпревар помалку, Лацио втор со 68, следува Аталанта со 66 и Интер со 65. Двата тима имаат натпревар помалку.