Легенда на „црвените ѓаволи“: Озил може да го обедини Манчестер Јунајтед

Поранешната ѕвезда на Манчестер Јунајтед, Пол Сколс смета дека клубот од „Олд Трафорд“ треба да се обиде да го потпише Месут Озил за да додаде поголема креативност во средниот ред. Головите беа проблем за Манчестер Јунајтед, со тоа што „црвените ѓаволи“ постигнаа само десет во последните девет натпревари во Премиер лигата. Но, може ли класичен играч од средниот ред како Озил, кој седи на клупата на Арсенал, да биде одговорот?

„Манчестер Јунајтед треба да направи нешто за да го добие Озил, кој може да го обедини тимот“, објасни Сколс за „БТ Спорт“.

„Тој е играч кој може добро се вклопува во тактичките планови на Солскјаер, Озил има одличен квалитет, можеби е и краткорочен одговор, не знам. Тој е играотч што може да направи многу работа за Манчестер Јунајтед“.

Озил остана надвор од составот на Арсенал на натпреварот во Лигата на Европа во четвртокот. Неговиот последен натпревар беше на 24 септември во победата на Арсенал со 5:0 над Нотингем Форест. Германецот со турско потекло има одиграно само еден натпревар во Премиер лигата за сезоната 2019-2020 година.