Легендарниот Казујоши Миура (56) потпиша нов договор во Португалија, ќе игра до 60 години

„Стар сте колку што се чувствувате“ е совршената изрека која може да ја опише јапонскиот фудбалер Казујоши Миура, кој продолжува да игра и на 56-годишна возраст.

Миура пред неколку месеци дебитираше за португалскиот второлигаш Оливеиренсе, а сега одлучи кариерата да ја продолжи во тој португалски клуб и покрај тоа што има 56 години. Еден од најдобрите азиски фудбалери во историјата ја започна својата професионална кариера во 1982 година, постигнувајќи 55 гола на 89 настапи за Јапонија, а од јануари до јули 1999 година беше член на Динамо Загреб.

📝 𝗗𝗘𝗔𝗟 𝗗𝗢𝗡𝗘: Kazuyoshi Miura, the oldest professional footballer on the planet, has extended his contract at UD Oliveirense! 🇯🇵🇵🇹

The Japanese striker will be 57-years old when his contract ends. 🤯👴

(Source: @oliveirense_sad) pic.twitter.com/FmDousxLOi

— Transfer News Live (@DeadlineDayLive) July 11, 2023

Миура е најстариот активен фудбалер во светот, но се уште нема намера да се пензионира. Тој веќе претходно најави дека сака да игра до 60 години, а со останувањето во Оливеиренсе е на чекор до исполнување на таа цел. Во февруари годинава Миура пристигна во Оливеиренсе како позајмен од Јокохама и забележа три настапи, а сега е продолжен до крајот на следната сезона.