Легендата на Ливерпул се кандидира за селектор на Северна Ирска

Поранешниот напаѓач на Ливерпул, Роби Фаулер ја поднел својата апликација за селектор на репрезентацијата на Северна Ирска, пишува весникот „Белфаст Телеграф“.

Северна Ирска е во потрага по нов национален селектор откако беше раскинат договорот на Јан Баракло поради лоши резултати. Но, легендата на Ливерпул сигурно не може да биде именуван како фаворит за оваа функција бидејќи Фудбалската асоцијација на Ирска е буквално „преплавена со понуди од целиот свет“.

Според Sky Sports, кандидат број 1 е Мајкл О’Нил, кој веќе беше на функцијата и се квалификуваше за земјата на Евро 2016. Сепак, во квалификациите за следниот континентален шампионат во 2020 година, тој не успеа да го повтори овој успех и замина, превземајќи го англискиот Стоук Сити од Лига Чемпионшип. О’Нил е сериозен кандидат не само поради неговите успеси во последните години, туку и поради тоа што искусни фудбалери како Стјуарт Далас сакаат да работат со него.

Доколку преговорите со кандидатот број 1 не успеат, а причина за тоа можат да бидат само финансиските разлики, тогаш втората опција е Нил Ленон. Поранешниот играч од средниот ред и менаџер на Селтик неодамна се раздели со кипарската Омонија (Никозија).

Дури потоа доаѓа третата линија на кандидати, во која е и Роби Фаулер. Легендарниот напаѓач на „црвените“, кој има повеќе од 300 настапи и над 150 голови во сите натпреварувања, досега не работел во Европа. Неговата тренерска кариера ја започна во Муангтонг Јунајтед (Тајланд), потоа го предводеше австралискиот Бризбејн Роар, а во 2020-2021 година го предводеше индискиот Источен Бенгал. Надвор од тоа, заедно со неговиот поранешен соиграч од Енфилд, Џејми Карагер, основал фудбалска академија за деца.

Во штотуку завршениот турнир во Лигата на нации, Северна Ирска заврши на третото место во групата Ц2 со 5 бода постигнати од само една победа и две нерешени. Кампањата на Евро 2024 ги виде во групата Х заедно со Данска, Финска, Словенија, Казахстан и Сан Марино.