Легендата на Ливерпул: УЕФА се надева дека Реал ќе го елиминира Сити

Поранешниот дефанзивец на Ливерпул, Џејми Карагер смета дека УЕФА се надева дека Реал Мадрид ќе го елиминира Манчестер Сити од Лигата на шампионите, по казната изречена на англискиот клуб.

Манчестер Сити беше осуден на 14 февруари од УЕФА и е суспендиран од европските натпревари за следните две сезони, 2020/21 и 2021/22, а му беше изречена и казна од 30 милиони евра за кршење на правилата на УЕФА за финансискиот фер-плеј.

УЕФА откри доказ дека клубот лажел во финансиските извештаи за парите донирани од спонзори од 2012 до 2016 година, велејќи дека спонзорите донирале повеќе пари отколку што пишува дека донирале.

Тимот на Пеп Гвардиола овој месец ќе се соочи со Реал Мадрид во Лигата на шампионите и според легендата на Ливерпул, Џејми Карагер, УЕФА се надева на победа на Реал.

„Не можам да верувам дека Манчестер Сити сега е во трка. Не го велам ова како навивач на Ливерпул, но што ако Сити победи во трката оваа сезона? Тие се фаворити за победа. Тие се еден од најдобрите тимови во Европа“, рече Карагер.

„Сити ќе се обиде да победи во оваа трка за да се исмејува со казната. УЕФА се надева дека Реал ќе го победи Сити – тоа се надевам дека ќе се случи“.

„Мислам дека УЕФА требаше или веднаш да го исфрли Манчестер Сити надвор од натпреварувањето, или требаше да ја донесе таа одлука на крајот на сезоната“.