Легендата се враќа во Барселона? „Сакам да продолжам да играм“

Медиумите во Шпанија ги објавија сензационалните вести за евентуалното враќање на Андрес Иниеста во Барселона.

Иниеста од летото 2018 настапува во Јапонија за Висел Кобе. Тој има постигнато 10 голови и забележа 13 асистенции досега, а со одличните игри, меѓу другото, стана и капитен.

За игрите на Иниеста во Висел Кобе пишува и„ Diario Sport“. Овој весник наведува дека Иниеста сè уште не размислува да стави крај на кариерата, а со оглед на формата не е невозможно да се врати во Барселона и да му помогне на неговиот поранешен клуб, кој има проблеми во средниот ред.

„Мојата намера е да продолжам да играм. Сакам да ги почувствувам тие моменти повторно со топката и тревата“, рече Иниеста.

Во јануари, Иниеста рече дека нема да му пречи да се врати на „Камп Ноу“, бидејќи, како што рече, тоа е негов дом и ќе игра таму во кое било време.

Пред да замине за Јапонија, Иниеста ја помина целата своја кариера во Барселона и освои вкупно 32 трофеи со каталонскиот тим, вклучувајќи и четири во Лигата на шампионите.