Леклерк трета година по ред ја освои пол позицијата во Азербејџан

Трета година по ред, Шарл Леклер со Ферари го постигна најдоброто време на квалификациите на трката за ГН на Азербејџан, која се вози низ улиците на Баку. За Леклер тоа е 19-та „пол-позиција“ во кариерата и трета по ред во Баку, каде што најдобриот резултат на трката досега го постигна во 2021 година, кога беше четврти. Леклерк постигна време од 1:40.203 минути пред актуелниот светски шампион и лидер во вкупниот пласман во сезоната, Холанѓанецот Макс Верстапен (Ред Бул), кој заостана 0.188 секунди.

„Болидот беше навистина добар, убаво е што се вратив на врвот“, рече Леклер.

Верстапен беше задоволен и покрај второто место.

„Овде секогаш е тешко. Речиси е невозможно да се заврши круг без да се направи грешка. Но, ние сме втори и имаме добар болид на трката, така што сме во добра стартна позиција”, изјави двократниот светски шампион. Од вториот ред ќе стартуваат вториот возач на Ред Бул, Мексиканецот Серхио Перез и вториот возач на Ферари, Шпанецот Карлос Саинц. По нив следуваат Британецот Луис Хамилтон (Мерцедес) и Шпанецот Фернандо Алонсо (Астон Мартин).