Левандовски има голема желба, а таа е во Мадрид

Роберт Левандовски се чини дека по завршувањето на договорот со Баерн Минхен, кој истекува за две години, ќе има нов клуб. Нема да го продолжи договорот, наводно тоа го знаат и во германскиот тим, но ќе ја испочитуваат неговата желба да го оствари сонот. Неговиот сон е да го облече дресот на Реал Мадри, а ова исто така е голема желба и на претседателот на „кралевите“ Флорентино Перез.

Имено, Перез во последните пет години секое лето се распрашува кај челниците на Баерн за евентуален трансфер на Левандовски и постојано добиваше негативен одговор. Поради одличните односи со челниците на баварскиот тим, тој не сакаше да им работи зад грб и сега кога Полјакот јавно изјави дека сака нови предизвици во кариерата, е подготвен да реагира.

Левандовски го носи дресот на Баерн Минхен од 2014 година и на 216 натпревари постигна 198 голови, а неговиот агент Пини Захави, најави дека ќе ги сослуша сите понуди кои ќе пристигнат за одличниот напаѓач, што за најголем дел од медиумите тоа е знак дека негова следна дестинација ќе биде Шпанија.