Ливерпул три месеци без важен дефанзивец

Британски Атлетик пишува дека десниот бек на Ливерпул и репрезентативец на Шкотска, Енди Робертсон (29) го оперирал рамото поради што ќе биде надвор од терените до три месеци. Јирген Клоп прилично долго нема да може да смета на играчот кој е негов прв избор на десното крило.

Робертсон се повреди во квалификациите за Европското првенство 2024 година, каде што беше капитен на Шкотска во поразот од Шпанија. Се повреди при остриот дуел со противничкиот голман и член на Атлетик Билбао Унаи Симон.

Сезонава, во првите осум кола од Премиер лигата, Робертсон секој пат играше цел натпревар, постигнувајќи еден гол. За време на неговото отсуство, на негово место треба да дојде две години помладиот грчки репрезентативец Константинос Цимикас.