Лопез со својот прв гол во кариерата за сениорите го сруши Реал Мадрид (ВИДЕО)

Фудбалерите на Валенсија во 35. коло во шпанското првенство го совладаа Реал Мадрид со резултат 1:0 и направија можеби клучен чекор во борбата за опстанок.

Лилјаците ја подобрија формата во најважниот дел од сезоната, а со 40 бода моментално се 13. на табелата, пет бода повеќе од екипите кои се во опасната зона.

Реал го забележа вториот пораз во изминатите три дуели на „Месталја“ и по триумфот на Атлетико против Осасуна падна на третата позиција со 71 бод.

Младиот Диего Лопес во 33. минута го постигна првиот гол во сениорската кариера за домашниот тим. Напаѓачот со 21 година и осум дена стана вториот најмлад играч на клубот од „Местаље“ кој постигнал гол против Кралскиот клуб. Пред него е само Карлос Солер, кој беше најдобар стрелец во 2017 година со 20 години и 237 дена.

Натпреварот беше продолжен за 15 минути, а Винисиус Јуниор беше исклучен во судиското надополнување.

Мадриѓаните имаа дури 74 проценти од поседот на топката, но упатија само еден удар повеќе од своите ривали. Валенсија упати 12 удари кон голот на Тибо Куртоа, од кои шест во рамките на голот, додека тимот на Карло Анчелоти имаше вкупно 13 (пет во рамките на голот).