Луис Хамилтон прави промени во своето име и презиме, познато како ќе се вика

Луис Хамилтон важи за најдобриот Формула 1 возач во историјата на овој спорт.

Хамилтон во понеделникот ја извести јавноста дека е во тек процесот за промена на неговото име и презиме.

Британецот одлучил на името и презимето да го додаде презимето на мајка си, Ларбалестиер.

„Многу сум горд на моето презиме, презимето на мајка ми е Ларбалеситер и ќе го додадам на моето име.

„Не ја разбирам целосно идејата дека кога луѓето стапуваат во брак, жените го губат своето презиме и јас навистина сакам презимето на мајка ми да биде до она Хамилтон.“

Таткото на Хамилтон, Ентони и неговата мајка Кармен се разведоа кога сегашниот возач на Мерцедес имаше само две години.

Инаку, Хамилтон, кој има седум шампионски титули во Формула 1, викендов ја чека 16-та сезона од најбрзиот октански циркус во светот.