Лукаку потврди: Утре потпишувам!

Рома е подготвена да го пречека Ромелу Лукаку како големо летно засилување. Белгискиот напаѓач е блиску до позајмица во италијанската престолнина бидејќи Челзи и римскиот тим моментално ги финализираат последните детали поврзани со сите потребни документи за договорот да помине.

Во меѓувреме, Ромелу Лукаку веќе се согласи на овој потег и сега и официјално го потврди своето претстојно патување во главниот град.

„Утре ќе летам за Рим за да го потпишам мојот договор“, изјави Лукаку во интервју за Laatste Nieuws.

Се очекува Рома да го пречека Лукаку врз основа на сува позајмица без опција или обврска за купување. Рома  ќе му ги покрие платите во целост и ќе платат мала позајмица на Челзи.