Македонската кошаркарска федерација домаќин на две младински ЕП

Македонската кошаркарска федерација ќе биде домаќин на две европски првенства во младински категории, кои идната година ќе се одржат во Скопје.

Како што е соопштено, Европското првенство во најсилната А – дивизија под 16 години ќе се одржи во Скопје, од 13 до 21 август 2021 година.

Македонската кошаркарска репрезентација под 20 години ќе се бори за пласман во А дивизијата на домашен терен на Европското првенство, кое од 3 до 11 јули ќе се одржи во Скопје.