Connect with us

Фудбал

Малага започна масовно да отпушта вработени

Фудбалскиот тим на Малага објави дека започна масовно да ги прекинува или раскинува договорите со вработените.

Коронавирусот навистина ја потресе веќе лошата економска состојба во клубот, па непопуларните сценарија беа нешто што требаше да се направи.

„Во текот на изминатите неколку месеци, презедовме различни мерки за ублажување на тешката економска состојба. Ова реструктуирање е мерка која е неопходна за да се обезбеди опстанок на клубот“, се наведува на официјалната веб-страница на Малага.

Овој тим во моментов се натпреварува во шпанската Сегунда и ја зазема само 15. позиција на табелата, па јасно е дека клубот се наоѓаше во исклучително лоша економска состојба уште пред ситуацијата со коронавирусот.

Не толку одамна, пред седум години, тимот играше во четвртфиналето од Лигата на шампионите во кое беше елиминирана од Борусија Дортмунд со тоа што примија гол во последните моменти од повратен меч.