Марка: УЕФА ќе биде безмилосна, Чеферин сака да ја исфрли Барселона од Лигата на шампионите

Александар Чеферин е реизбран за претседател на УЕФА, а тоа може да биде лоша вест за Барселона. Откако им се заканија со одземање бодови во Примера, сега би можеле да бидат исфрлени од Лигата на шампионите!

Шпанското обвинителство пред околу еден месец покрена обвинение против Барселона и поранешните претседатели на овој клуб, Хосеп Марија Бартомеу и Сандро Росел, за плаќање пари на фирмите на Хозе Марија Енрикез Негреира, поранешниот потпретседател на шпанската судска комисија. . Од 2001 до 2008 година инкасирал 8.400.000 евра од Барселона, а Александар Чеферин будно го следи овој случај.

Словенецот, кој по професија е правник, рече дека ова е „сериозен случај, еден од најтешките што ги видел“ и додаде дека УЕФА детално го следи случајот и не исклучува санкции против Барса. По тој повод „Марка“ објави текст под наслов „УЕФА ќе биде безмилосна. Бара брз прекин на постапката и казна за Барселона“. Во него се наведува дека клубот се „трепери“ по изјавата на Чеферин.

„Тие сакаат најдоцна до јуни да одлучат дали Барселона следната сезона ќе игра во Лигата на шампионите. Постапките на УЕФА мора да бидат во согласност со законската процедура во шпанскиот суд, но за тоа ќе биде потребно време. Затоа Чеферин сака да побрзаaт со одлуката на УЕФА, бидејќи не дозволува под никакви околности да постои ни најмала сенка на сомнеж за еврокуповите, наведува „Марка“ во остар текст.