Фудбал
Мбапе ќе биде главната цел на Реал во 2024 година
Реал Мадрид не се откажува од намерата да го купи напаѓачот на Пари Сен Жермен и француски репрезентативец Килијан Мбапе. Карлос Карпио од „Марка“ откри дека 24-годишниот фудбалер ќе биде главната трансфер цел на шпанскиот гигант во 2024 година.
На „Сантијаго Бернабеу“ не веруваат дека раководството на францускиот првак ќе се согласи да го продаде Мбапе оваа година и затоа нема ни да испраќа понуди летово, за да се избегне можноста за ново одбивање. Тоа, пак, ќе му овозможи на Реал целосно да се фокусира на доведување на Џуд Белингем од Борусија Дортмунд.
❗️ JUST IN: Mbappé will be Real Madrid's number 1 goal for 2024. #transfers 🇫🇷🚨
– Inside the club they don't think that PSG will agree a deal this summer. @Carpio_Marca on @BlancaRemontada pic.twitter.com/oQ95kcZuXB
— ͏ Mohamed ✆ (@RMreports) May 18, 2023
Мбапе минатата година можеше да се пресели во таборот на Реал, но во последен момент го продолжи договорот со ПСЖ, кој е со важност до летото 2025. Напаѓачот оваа сезона одигра 40 натпревари за парижаните во сите натпреварувања и постигна 38 голови, додаде 9 асистенции.