Мбапе не сака да зборува за нов договор со ПСЖ: Не е време

Килијан Мбапе ги избегна прашањата во врска со можноста за обновување на неговиот договор со ПСЖ, инсистирајќи на тоа дека не е вистинското време да ги растера шпекулациите за неговата иднина.

За француската sвезда се шпекулира за можен потег во гигантот во Ла Лига, Реал Мадрид, каде Зинедин Зидан, јавно искажа дека во своите редови го сака 21-годишниот.

Спортскиот директор на ПСЖ, Леонардо претходно изјави дека преговорите за обновување на договорот на Мбапе одат добро, бидејќи договорот на сегашниот Французин истекува на крајот на сезоната 2021/22.

На прашањето за неговата иднина по победата на ПСЖ од 6:1 над Сент-Етјен во четвртфиналето на Купот на Франција, Мбапе рече: „Подготвен сум да играм фудбал прво, бидејќи ние сме уште во јануари“.

„Сега ќе ја започнеме последната фаза, каде ќе се стремиме да добиеме трофеи. Мислам дека не е време да се разбудат шпекулациите. Клубот е тивок, сите се движиме во иста насока, па не би било добро да зборуваме за работи надвор од она што се случува на теренот “, додаде Французинот.

Мбапе беше еден од стрелците во убедливата победа на ПСЖ над Сент-Етјен, каде Мауро Икарди беше одличен со хет-трик.