Мендеш беше запрашан дали Роналдо ќе го напушти „Олд Трафорд“: „Ништо од тоа…“

Манчестер јунајтед синоќа на домашен терен го победи Барнли со 3-1 во рамките на 20. коло од Премиершип.

„Црвените ѓаволи“ успеаја со победа да ја завршат 2021 година, но на теренот ќе се вратат за неколку дена.

Јунајтед пред своите гледачи славеше со 3:1, а најдобар на теренот повторно беше Кристијано Роналдо кој успеа да постигне еден гол и забележа асистенција во голот на МекТоминај за 1:0.

Претходните денови се шпекулираше дека Роналдо би можел да го напушти „Олд Трафорд“ по само половина година, но неговиот агент Жорге Мендеш јасно го демантираше сето тоа по синоќешниот натпревар.

Мендеш за „Sky Sports“ изјави дека Роналдо е фокусиран само на Манчестер Јунајтед, и дека нема шанси да го напушти овој клуб во јануари.

„Кристијано е многу среќен во Манчестер Јунајтед. Му оди доста добро и игра одлично како и во текот на целата своја кариера. Ова ќе биде одлична сезона за него и јас сум многу сигурен во тоа. Заминување? Ништо од тоа“, изјави Мендеш.

Португалецот во досегашниот дел од сезоната одигра 21 натпревар за Јунајтед и постигна 14 гола и запиша уште три асистенции.