Меси: Не можам да дозволам спортскиот директор да ме нападне така

Капитенот на Барселона, Лионел Меси зборуваше за тоа зошто решил да реагира кон спортскиот директор на клубот, Ерик Абидал, преку неговата социјална мрежа Инстаграм.

Меси изјави дека не може да дозволи Абидал да го нападне него и неговите соиграчи, откако Французинот ги обвини играчите на Барса за отпуштање на тренерот Ернесто Валверде.

Меси реагирал кон Абидал со тоа што го замолил да ги објави имињата на играчите и го повикал да преземе одговорност за своите одлуки.

Сега, во интервју за „Мундо Депортиво“, Меси објасни дека реагирал на Абидал затоа што се почувствувал нападнат од Французинот.

„Реагирав затоа што чувствував дека ме напаѓа. Се зборува многу за нашата соблекувална, дека контролираме сè и дека разрешуваме и назначуваме тренери, носиме играчи, особено мене. Како да имам многу моќ и да донесувам одлуки“, рече Меси.

„Мене ми пречеше затоа што тоа го кажа лице на клубот, спортскиот директор. Фактот што тој не стави во центарот на овој проблем беше луд. Тој донесува одлуки. Сакав да го објаснам ова затоа што не можев да дозволам спортскиот директор да ме нападне така“.