Меси пристигна во Флорида со приватен авион, во недела закажана официјалната промоција (ВИДЕО)

Лионел Меси денеска пристигна на Флорида во пресрет на официјалното потпишување на договорот за Интер Мајами.

Меси и неговото семејство пристигнаа на аеродромот во Форт Лодердејл со приватен авион и наскоро ќе биде официјално претставен како нов играч на клубот во сопственост на Дејвид Бекам. Еден од најдобрите фудбалери на сите времиња минатиот месец ја одби Барселона и понуда вредна 1,2 милијарди евра од Саудиска Арабија и најави дека кариерата ќе ја продолжи во американскиот Интер.

LIONEL MESSI HAS ARRIVED IN SOUTH FLORIDA TO MAKE HIS INTER MIAMI MOVE OFFICIAL ☀️

(via @SC_ESPN) pic.twitter.com/lgpKN3XeGN

— ESPN FC (@ESPNFC) July 11, 2023

Интер Мајами објави дека на 16 јули на клупскиот стадион ќе се одржи настан наречен „The Unveil“, а нема сомнеж дека сите места на трибините ќе бидат пополнети бидејќи Аргентинецот ќе биде најголемата ѕвезда во историјата на МЛС. Меси на 16 јули и официјално ќе потпише 2,5-годишен договор вреден 150 милиони долари, а своето деби би требало да го има на 21 јули против мексиканскиот клуб Круз Азул.