Младата Украинка понижена во САД: „Излези надвор со тоа знаме!“

Руските тенисерки Анастасија Потапова и Ана Калинскаја пред два дена одиграа квалификациски натпревар за ВТА турнирот во Синсинати.

Последната беше поуспешна, победи со 0:2, во сетови 5:7 и 1:6 и се пласираше во главната ждрепка на турнирот, каде денеска во првото коло ќе игра против Мартина Тревисан од Италија.

Сепак, нивниот натпревар и резултат паднаа во втор план поради инцидентот што се случи на трибините.

На средбата меѓу двете руски тенисерки, во четвртиот ред седеше млада жена која беше завиткана во големо украинско знаме и имаше венец со цвеќе на главата, што е дел од украинската култура.

Нејзиното присуство ги вознемири руските тенисерки, па една од нив реши да се пожали на судијката на мечот Лара Морган.

Според тенискиот новинар Бен Ротенберг, кој го пријави инцидентот на Твитер, Украинката се вика Лола и живее во Мејсон. Тој изјави дека таа немо го следела дуелот.

За време на натпреварот, судијата и пријде и рече: „Не е убаво да седиш на трибините со знамето“. Украинката и одговорила дека не е убаво да се напаѓа друга земја.

Video of some of this incident surfaced hours later on social media, via @trashytennispic.twitter.com/bYlFL38L9X

— Ben Rothenberg (@BenRothenberg) August 15, 2022

Ротенберг напиша дека шефот на теренското обезбедување потоа станал агресивен кон Украинката и и рекол дека мора да ги напушти трибините. Го послупа затоа што не сакаше да прави сцена. Половина час подоцна, шефот на обезбедувањето ја известил дека знамињата би можеле да бидат со максимална големина од 18×18 инчи.

„Секој кој бил на турнирот во Синсинати знае дека често има знамиња со слична големина, особено американското и српското знаме“, рече Ротенберг. Лола конечно успеа да се врати на трибината без знамето.