Поврзи се

Други спортови

МОК почнува олимписка обука за напреден спортски менаџмент

Македонскиот олимписки комитет (MOK) во соработка со Интернационалниот олимписки комитет (ИОК), на 30 Март 2018 година ќе ја започне Олимписката обука за напреден спортски менаџмент – шеста генерација.

МОК смета дека оваа обука е основа и еден од главните фактори за постигнување на врвните спортски резултати на најдобрите македонски спортисти.

– Станува збор за многу обемна и квалитетна едукативна програма која претставува теоретско – практична платформа за унапредување на работата во рамките на Олимписките спортски организации (ОСО) во кои спаѓаат спортистите, тренерите, судиите, спортските клубови, НСФ-ии, спортските медиуми, Меѓународните спортски федерации, Националните олимписки комитети, ИОК, Организационите комитети на спортските настани, државните институции, информираат од МОК.

Програмата на обуката во потполност е диктирана од страна на ИОК, а е осмислена во соработка со повеќе од 150 светски признати научници и експерти од спортскиот менаџмент.

Македонскиот олимписки комитет се надева дека националните спортски федерации ќе предложат кандидати со цел да ја искористат шансата која ја нуди овој значаен проект за развојот и унапредување на работата на спортскиот систем во Македонија.

ФОТО

loading...

Повеќе од Други спортови