Монтела нов тренер на Севилја

Поранешниот тренер на Милан, Виченцо Монтела во продолжението од сезоната ќе седи на клупата на Севиља.

Италијанецот со клубот од Андалузија потпиша договор на 18 месеци и на чело на екипата доаѓа како алтернатива за Едуардо Беризо.

Четириесет и три годишниот Монтела на клупата на Севиља ќе дебитира на трети јануари на дуелот од Купот на Шпанија против Кадиз, а веќе три дена подоцна го очекува градското дерби со Бетис.